गोकर्णेश्वर नगरपालिकामा गोली चल्दा एक जना घाइते
प्रकाशित मिति : 12 October, 2023 3:00 pm
काठमाडौं । काठमाडौंको गोकर्णेश्वर नगरपालिकामा गोली चल्दा एक जना घाइते भएका छन् ।
गोकर्णेश्वर नगरपालिका– २ स्थित जगडोलमा लुटेराहरुलाई नियन्त्रणमा लिन गोली चलाउँदा १ जना घाइते भएको अपराध अनसन्धान कार्यालयका प्रवत्ता रविन्द्र रेग्मीले बताए ।
लुटेरा समूहले हतियार निकालेर प्रहरीमाथि नै आक्रमण गर्न खोजेपछि आत्मरक्षाका लागि गोली चलाएको प्रहरीले जनाएको छ । प्रहरीका अनुसार लुटेराको साथबाट एउटा पेस्तोलसहित ७ राउण्ड गोली बरामद भएको छ ।
उनका अनुसार गोली लागेर लुटेरा समूहको २५ वर्षीय अमर घलान घाइते भएका छन् । घाइतेको नेपाल मेडिकल कलेज अत्तरखेलमा उपचार भइरहेको छ ।