लुम्बिनीमा बढी सामान आयात-निर्यात भैरहवाबाट,नेपालगञ्ज भन्सारको हिस्सा ४.२९ प्रतिशत
काठमाडौँ । भैरहवा भन्सारबाट चालु आर्थिक वर्षमा ६५ अर्ब भन्दा बढीको बस्तु आयात भएको छ ।
भन्सार विभागको तथ्याङ् अनुसार भैरहवा भन्सारबाट चालु आर्थिक वर्षको ३ महिनामा ६५ अर्ब ८५ करोड ४४ लाख ५ हजार २ सयको सामान भित्रिएको हो ।
यो तीन महिनाभित्र भित्रिएको कुल आयातको १६.१५ प्रतिशत हो ।
यस्तै निर्यातमा भैरहवा भन्साले ८ दशमलव १५ प्रतिशत हिस्सा ओगटेको छ ।
विभागको तथ्याङ्क अनुसार ३ अर्ब ३३ करोड २२ लाख ६ हजार ७ सय को सामाना निर्यात भएको छ ।
लुम्बिनी प्रदेशमा रहेको अर्को महत्वपूर्ण भन्सार नेपालगञ्जबाट १७ अर्ब ४८ करोड ९५ लाख ८ हजार ५ सय रुपैयाँको आयात भएको छ ।
यो कुल आयातको ४.२९ प्रतिशत हिस्सा हो । यस्तै नेपालगञ्ज भन्सारबाट ४४ करोड १७ लाख ९६ हजार रुपैयाँको निर्यात भएको छ । यो कुल निर्यातको १.०८ प्रतिशत हो ।
कृष्णनगर भन्सार कार्यालयबाट ५ अर्ब ३२ करोड ३८ लाख २१ हजार रुपैयाँको वस्तु आयात भएको छ यो चालु आर्थिक वर्षको पहिलो तीन महिनामा भएको कुल आयातको १.३१ प्रतिशत हो ।
यस्तै कृष्णनगर भन्सारबाट ५२ करोड ६७ लाख ६७ हजार रुपैयाँको निर्यात भएको यो । यो कुल निर्यातको १.२९ प्रतिशत हो । गौतमबुद्ध विमानस्थलबाट भने ७ लाख ६७ हजार रुपैयाँको वस्तु आयात भएको देखिन्छ भने निर्यात शून्य छ ।
सञ्चालनमा आएको डेढवर्ष हुँदा पनि नियमित उडान नहुँदा गौतम बुद्ध अन्तराष्ट्रिय विमानस्थल सुनसान जस्तै छ ।
