२० असार २०७९, सोमबार

तेह्रौँ साग: ४५ स्वर्णसहित नेपाल दोस्रो स्थानमा

प्रकाशित मिति :  9 December, 2019 12:58 pm


Nepal and sri lanka players fight for ball during their match of SAG at Dasharath Stadium in Kathmandu on Wednesday. POST PHOTO: KESHAV THAPA

काठमाडाैं, २३ मंसिर

तेह्रौँ दक्षिण एशियाली खेलकूद (साग)मा नेपाल पदक तालिकामा दोस्रो स्थानमा रहेको छ । भारतले पदक तालिकामा पहिलो स्थान लिएको छ ।

आइतबारका खेल सकिँदासम्म भारतले १३१ स्वर्ण, ७७ रजत र ४० कास्यसहित कूल २४८ पदक जितेको छ । नेपाल ४५ स्वर्ण, ४४ रजत र ७५ कास्यसहित कूल १६४ पदक जितेको छ । यस्तै श्रीलङ्का ३४ स्वर्ण, ६६ रजत र ९३ कास्यसहित तेस्रो, पाकिस्तान २८ स्वर्ण, ३४ रजत र ४३ कास्यसहित चौथो, बङ्गलादेश आठ स्वर्ण, २८ रजत र ६६ कास्यसहित पाँचौँ, माल्दिभ्स एक स्वर्ण र दुई कास्य जित्दै छैटौँ तथा भूटान नौ कास्यसहित पदक तालिकाको अन्तिम स्थानमा छ ।

नेपालले आइतबार पौडी र जुडोमा एक एक स्वर्ण पदक जितेको हो । पौडीमा गौरिका सिंहले ४०० मिटर फ्रिस्टाइलमा भारतीय खेलाडीलाई हराउँदै स्वर्ण जितेकी हुन् । यस्तै जुडोमा देविका खड्काले ५२ किलो तौल समूहमा स्वर्ण जितेकी हुन् ।

साग पदक तालिका 

देश           स्वर्ण      कास्य      रजत      जम्मा
भारत        १३१         ७७         ४०          २४८
नेपाल        ४५          ४४          ७५         १६४
श्रीलङ्का      ३४          ६६          ९३          १९३
पाकिस्तान  २८          ३४          ४३          १०५
बङ्गलादेश  ८            २८          ६६          १०२
माल्दिभ्स    १             ०             २            ३
भूटान         ०             ०             ९             ९



प्रतिक्रिया दिनुहोस !