रोकिएन सेयरबजारमा पहिरो : नेप्सेमा २३ अंकको गिरावट
काठमाडौं । साताको चौथो दिन पनि सेयरबजारमा दोहोरो अंकको गिरावट आएको छ ।
नेपाल स्टक एक्सचेन्जका अनुसार बुधबार सेयर मापक सूचक नेप्से परिसूचक २३.३२ अंकले घटेर २४२८.७५ अंकमा झरेको छ । राम्रा र बलिया कम्पनीको सूचक सेन्सेटिभ परिसूचक पनि २.२८ अंकले घटेर ४५५.९४ अंकमा झरेको छ ।
नेप्सेका अनुसार कारोबार भएका १३ उपसमूहमध्ये ३ वटा उपसमूहको सेयर बढेको छ भने बाँकी १० वटा उपसमूहको सेयर घटेको छ ।
बिहीबार कारोबार रकमका आधारमा हिमालयन डिष्टिलरी लिमिटेडको सर्वाधिक कारोबार भएको छ । कम्पनीको ९ करोड ४१ लाख रूपैयाँ बराबरको कारोबार भएको हो ।
आजको दिन नेष्डो समृद्ध लघुवित्त वित्तीय संस्था लिमिटेडका लगानीकर्ताले सबैभन्दा धैरै कमाएका छन् । कम्पनीको सेयरमूल्य १० प्रतिशतले बढेर सकरात्मक सर्किट लागेको छ ।
त्यस्तै आज इमर्जिङ नेपाल लिमिटेडका लगानीकर्ताले सबैभन्दा धेरै गुमाएका छन्। कम्पनीको सेयरमूल्य १० प्रतिशतले घटेर नकरात्मक सर्किट लागेको छ ।
कूल २२६ वटा कम्पनीको ४३ लाख ७२ हजार एक सय ७१ कित्ता सेयर किनबेच हुँदा एक अर्ब ९९ करोड २९ लाख ७१ हजार ७ सय ६४ रूपैयाँ बराबरको कारोबार भएको नेप्सेले जनाएको छ ।
