तराइमा गर्मी केही दिन अझै नघट्ने, पहाडमा वर्षा र तराइमा लु चल्ने, यस्ताे छ बुधवारकाे माैसम
प्रकाशित मिति : 7 June, 2023 6:53 am
काठमाडाैँ । तराइका भू-भागहरूमा अधिकतम र न्यूनतम तापक्रम केही दिन नघट्ने जल तथा माैसम पूर्वानु विभागले जनाएकाे छ ।
देशका पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ तथा गण्डकी, कर्णाली र सुदुर पश्चिम प्रदेशका पहाडी भू-भागका थोरै तथा बाँकी प्रदेशका पहाडी भू-भागका एक-दुई स्थानमा मेघ-गर्जन/चट्याङ्ग सहित क्षणिक वा हल्का वर्षाको सम्भावना रहेको छ ।
पहाडी भुभागका केही स्थानमा पानी पर्न सक्ने र तराइमा भू-भागहरूमा तातो हावा / लू चलिरहेकाले विभागले सचेत बनाएकाे छ । “पहाडी भू-भागहरुका थोरै स्थानहरूमा मेघ-गर्जन/चट्याङ्ग सहित क्षणिक वा हल्का वर्षाको सम्भावना रहेको छ। तसर्थ, अत्याधिक गर्मी तथा मेघ-गर्जन/चट्याङ्ग बाट हुन सक्ने जोखिम वा क्षति बाट बच्न आवश्यक सतर्कता अपनाउन हुन अनुरोध छ,” विभागकाे बुलेटिनमा उल्लेख् छ ।
