सभापति शेरबहादुर देउवाले बोलाए पदाधिकारी बैठक

काठमाडौं । नेपाली कांग्रेसका सभापति शेरबहादुर देउवाले पदाधिकारी बैठक बोलाएका छन् । सभापति देउवाले मंगलबार आफ्नै निवास धुम्बाराहीमा अपरान्ह चार बजे पदाधिकारी बैठक बोलाएका छन् ।

पार्टी केन्द्रिय कार्यालय सानेपामा केन्द्रीय समिति बैठक चलिरहँदा सभापति देउवाले पदाधिकारी बैठक बोलाएको उनको सचिवालयले जनाएको छ ।

नेपाली कांग्रेसको केन्द्रीय समितिको बैठक साउन २ गतेदेखि काठमाडौंमा जारी छ । उक्त बैठकको समापनको लागि निर्णयको तयारी गर्न आजको पदाधिकारी बैठक बोलाइएको देउवाको सचिवालयले जनाएको छ ।