एमाले सचिवालय बैठक भदौ १९ मा बस्ने
काठमाडौँ । नेकपा (एमाले)ले यही भदौ १९ गते अपराह्न ३ बजे केन्द्रीय सचिवालय बैठक बोलाएको छ । पार्टी प्रचार विभाग प्रमुख राजेन्द्र गौतमका अनुसार बैठकमा राजनीतिक प्रतिवेदन, विधान संशोधन प्रस्ताव प्रतिवेदन र साङ्गठनिक प्रतिवेदनमाथि छलफल गरिनेछ ।
गौतमका अनुसार तीनवटै प्रतिवेदन छलफल गरी पारित भएपछि आगामी दोस्रो विधान महाधिवेशनमा प्रस्तुत गरिनेछ । महाधिवेशनमा प्रधानमन्त्री तथा पार्टी अध्यक्ष केपी शर्मा ओलीले राजनीतिक प्रतिवेदन, उपाध्यक्ष एवं अर्थमन्त्री विष्णुप्रसाद पौडेलले विधान संशोधन प्रस्ताव प्रतिवेदन र महासचिव शङ्कर पोखरेलले साङ्गठनिक प्रतिवेदन पेश गर्ने कार्यक्रम छ ।
एमालेको दोस्रो विधान महाधिवेशन ललितपुरको गोदावरीस्थित सन्राइज सम्मेलन केन्द्रमा यही भदौ २० देखि २२ गतेसम्म हुने भएको छ ।
महाधिवेशनमा दुई हजार ३३ जना प्रतिनिधि र ३१७ जना अन्य गरी दुई हजार ३५० जना सहभागी हुने व्यवस्था गरिएको पार्टीले जनाएको छ ।
