नेपालमा थप १ सय ४७ जनामा कोरोना संक्रमण पुष्टि
प्रकाशित मिति : 23 July, 2020 5:14 pm
काठमाडौं, साउन ८ ।
नेपालमा पछिल्लो २४ घण्टामा थप १ सय ४७ जनामा कोरोनाभाइरस संक्रमण देखिएको छ। जसमध्ये ९ जना काठमाडौं उपत्यका रहेका छन्।
स्वास्थ्य मन्त्रालयका प्रवक्ता डा जागेश्वर गौतमले आज उपत्यकाका ९ सहित १ सय ४७ जनामा कोरोनाभाइरस संक्रमण पुष्टि भएको बताएका छन् । योसँगै नेपालमा संक्रमितको संख्या १८ हजार २ सय ४१ पुगेको छ।
यस्तै पछिल्लो २४ घण्टामा थप १ सय ५६ जना कोरोना संक्रमणमुक्त भएका छन्। योसँगै संक्रमणमुक्त हुनेको संख्या १२ हजार ८४० पुगेको छ।
