कैलाली एफएममा कार्यरत पत्रकार मृत अवस्थामा फेला
प्रकाशित मिति : 18 September, 2020 4:21 pm
कैलाली, २ असोज ।
कैलालीमा कार्यरत एक महिला पत्रकार मृत अवस्थामा फेला परेकी छिन्। कैलालीको घोडाघोडी नगरपालिकामा -५मा पत्रकार निर्मला पहराइ शुक्रवार मृत अवस्थामा फेला परेकी हुन्।
प्रहरीले उनलाई झुन्डिएर मृत अवस्थामा फेला पारेको जानकारी दिएको छ। घोडाघोडी नगरपालिका वडा नम्बर ४ की २३ बर्षिया निर्मला कैलाली एफएममा कार्यरत थिइन्।
इलाका प्रहरी कार्यालय सुख्खडका प्रमुख तथाप्रहरी नायव उपरिक्षक सागर बोहराले घटनास्थलमा प्रहरी निरिक्षकको टोली खटाइएको बताउँदै थप अनुसन्धान भइरहेको जानकारी दिए।
उनी ३ दिन अघिदेखि सम्पर्कबिहिन भएकी थिईन । परिवारिक स्रोतका अनुसार उनी सुख्खड जान भनेर हिडेकी थिईन ।